Siirry pääsisältöön

Boazodoallu buoridii gánnáhahttivuođas

Uutinen 18.3.2021
Taggar:

Luondduriggodatguovddáš (Luke) boazodoalu gánnáhahttivuođarehketdoalu mielde boazodoallojagi 2019/2020 boazodoalu gánnáhahttivuođagerddon badjánii 0,31:s 0,41:i. Fitnodatsisaboahtu stuorui njealjádasa ovddit jagis 8 900 euroi.

Boazodoallojagi 2019/20 boazodoalu oppalašsisaboahtu lassánii čieža proseanttain 43 100 euroi. Boazodoalu vuovdinsisaboađut lassánedje njeallje proseantta 21 240 euroi. Bálgosa máksán bargobuhtadusaid oassi seaillui ovddit jagi dásis 5 200 euros. Spire- ja johtalusvahágiin máksojuvvon buhtadusaid oassi badjánii ovddit jagis 15 proseantta 7 500 euroi, dávisteaddji láhkai doarjagiid oassi njiejai guhtta proseantta 5 990 euroi. Boazodoalus doarjagiid oassi oppalašsisaboađus lea bisson jahkásaččat sulaid 14 proseanttas.

Váttis dálvi loktii fuođargoluid

Buvttadangolut njidje boazodoallojagi 2019/20 sulaid njealje proseantta 52 200 euroi. Dálvvi váttis muohta- ja dálkedilit oidnojit fuođargoluin, mat badjánedje 20 proseantta ovddit jagis 9 500 euroi. Mašiinnaid boaldámuš- ja geavahangolut njidje čieža proseantta, seammá maiddái bierggasgoluin lei njiedjan 12 % ovddit jagis.

– Boazodoallobargguid diibmomearri geahppánii guhtta proseantta ovddit boazodoallojagis. Fitnodatdoallibearaš barggai boazodoallobargguid gaskamearálaččat 1 190 diimmu, mas bálgosii dahkkojuvvojedje sulaid 37 proseantta. Sihke iežas boazodoalu bargodiimmut ja bálgosii dahkkojuvvon bargodiimmut geahppánedje. Bargodiimmuid meriide sihkkarit váikkuhedje addojuvvon ávžžuhusat koronaráddjehusain, mat ráddjejedje boazodoallobargguid dušše áibbas vealtameahttun bargguide, smiehttá dutki Marja Vilja Lukes.

Boazodoallojagi 2019/20 boazodoalu váikkuheaddjivuođagerddon lei 0,41, dahjege boazodoallofitnodatdoalli fáhtii 41 proseantta mihttomearrin lean 16 euro diibmobálkkás ja iežas kapitálii mihttomearrin lean viđa proseantta reanttus. Boazodoallofitnodatdoalli diibmobálká bázii 6,6, euroi ja iežas kapitála reantosisaboahtu 2,1 proseantta. Boazodoalu gánnáhahttivuođagerddon lea molsašuddan 2000-logus 0,2 ja 0,75 gaskkas.

Bohccobierggu buvttadanmearri stuorui

Boazodoallojagi 2019/20 boazodoallofitnodatdoallis ledje gaskamearálaččat 202 ealihanbohcco. Bohccobiergu buvttaduvvui 2 370 kilo fitnodaga guovdu, dát lea sulaid 13 proseantta eanet go ovddit jagi. Gaskamearálaččat biergokilo guovdu rehkenastojuvvon buvttadangolut čoggojedje 22,9 euro. Buvttadangollu biergokilo guovdu rehkenastimiin molsašuddá sámiid ruovttuguovllu 20,4 ha eará boazodoalloguovllu 25,7 euro gaskkas.

Boazodoalu bohtosat neahttabálvalusas

Boazodoalu gánnáhahttivuođačuovvuma bohtosat leat oaidnimis Luke Taloustohtori-siidduin Boazodoalu neahttabálvalusas. Bohtosiid vuođđun lea boazodoalu gánnáhahttivuođarehketdoallomateriálas, mii mii čoggojuvvo jahkásaččat 75:a badjel 80 ealihanbohcco oamastan boazodoallofitnodaga dieđuin.